ছ'চিয়েল মিডিয়া প্লেটফৰ্মত অপঞ্জীভুক্ত বিনিয়োগ উপদেষ্টা

অনুসৰণ কৰাৰ আগত চিন্তা কৰক!

ছ'চিয়েল মিডিয়া প্লেটফৰ্মত পঞ্জীভুক্ত নোহোৱা বিনিয়োগ পৰামৰ্শদাতাৰ পৰা পৰামৰ্শ লোৱাৰ লুকুৱা বিপদাশংকা

স্ক্ৰল. লাইক. শ্বেয়াৰ. ইনভেষ্ট?
আজিৰ ছ’চিয়েল মিডিয়াৰ যুগত বিত্তীয় পৰামৰ্শ মাত্ৰ এটা ৰীলৰ দূৰত.
এজন হাঁহিমুখীয়া ইনষ্টাগ্ৰামাৰে দাবী কৰিছে, “মাহেকত ₹5,000 ইনভেষ্ট কৰি কোটিপতি হওক ৷’’
এটা য়ুটিউব ভিডিঅ'য়ে ছমাহৰ ভিতৰত ৰিটাৰ্ণৰ নিশ্চয়তা দিয়ে.
টুইটাৰত ঘোষণা কৰা হৈছে 'পৰৱৰ্তী বৃহৎ ষ্টক'

আকৰ্ষণীয় যেন লাগে, নহয় নে? কিন্তু প্ৰকৃত কথাটো হ’ল এয়া:

এই তথাকথিত ফিন ফ্লুৱেঞ্চাৰসকলৰ বহুতেই যোগ্যতাসম্পন্ন পেছাদাৰী নহয়. ইয়াৰে হয়তো কেইজনমান পঞ্জীয়নভুক্ত গৱেষণা বিশ্লেষক বা বিনিয়োগ উপদেষ্টা হ’ব পাৰে, কিন্তু অধিকাংশই পঞ্জীয়নবিহীন ব্যক্তি-আৰু তেওঁলোকৰ পৰামৰ্শই আপোনালোকৰ ধনৰ হৰলুকিও কৰাব পাৰে.

2025 চনৰ মাৰ্চ মাহত প্ৰকাশিত এক প্ৰতিবেদন (চিএফএ ইনষ্টিটিউট) ত প্ৰকাশ পাইছে যে ছ’চিয়েল মিডিয়াৰ দ্বাৰা প্ৰভাৱিত 82% ইনভেষ্টৰে ফিন ফ্লুৱেঞ্চাৰৰ পৰামৰ্শ অনুসৰি কাম কৰিছে. এই ফ্লুৱেঞ্চাৰসকলৰ মাত্ৰ 2% হে ছেবি-পঞ্জীকৃত, যদিও 33% লোকে ৰেগুলেটৰীৰ নিৰ্দেশ আওকান কৰি প্ৰত্যক্ষ ষ্টক ইনভেষ্টৰ পৰামৰ্শ দি আহিছে. ইয়াতকৈও উদ্বেগজনক কথাটো হ’ল, 40 বছৰৰ বয়সৰ ওপৰৰ ইনভেষ্টৰসকল 8%ৰ পৰা 14% লৈ বৃদ্ধি পাইছে.

প্ৰশ্নটো এয়া নহয় যে ফিন ফ্লুৱেঞ্চাৰসকল সিদ্ধান্তসমূহত প্ৰভাৱ পেলায়—প্ৰশ্নটো হৈছে তেওঁলোক ইয়াৰ বাবে যোগ্য আৰু জবাবদিহি হ’ব পাৰিব নে নাই.

এই ‘ফিন ফ্লুৱেঞ্চাৰ’সকল কোন?

তেওঁলোক হৈছে ষ্টক, মিউচুৱেল ফাণ্ড, ক্ৰিপ্ট', আইপিঅ' আৰু ট্ৰেডিঙৰ বিষয়ে কোৱা সমল সৃষ্টিকাৰীসকল. তেওঁলোকৰ পোষ্টবোৰে ইনভেষ্টক সৰল আৰু মনোৰঞ্জনমূলক কৰি তোলে- আৰু তেওঁলোকে প্ৰায়ে বৃহৎ সংখ্যক লোকক আকৰ্ষিত কৰে.

যদিও কিছুমানে প্ৰকৃততেই শিক্ষা প্ৰদানৰ মনোভাৱ ৰাখে, অদ্যপি বহুতৰে ইনভেষ্টমেণ্টৰ পৰামৰ্শ দিবলৈ অৰ্হতা বা অনুজ্ঞাপত্ৰৰ অভাৱ.
কিছুমানে তেওঁলোকৰ সম্পৰ্ক বা সংযোগ প্ৰকাশ নকৰাকৈয়ে ধন লাভৰ বিনিময়ত বিত্তীয় সামগ্ৰীসমূহ প্ৰচাৰ কৰে. আন কিছুমানে ডিএমৰ জৰিয়তে “ব্যক্তিগত টিপছো” প্ৰদান কৰে.

বিপদাশংকাবোৰ চিনাক্ত কৰি, ছেবিয়ে 2023 চনত এটা পৰামৰ্শ পত্ৰ মুকলি কৰিছিল
(https://www.sebi.gov.in/reports-and-statistics/reports/aug-2023/consultation-paper-on-association-of-sebi-registered-intermediaries-regulated-entities-with-unregistered-entities-including-finfluencers-_75932.html)আৰু পঞ্জীয়ন নকৰা অবৈধভাৱে ইনফ্লুৱেঞ্চাৰসকলৰ বিৰুদ্ধে কঠোৰ ব্যৱস্থা আৰম্ভ কৰিলে. ই ছেবি-নিয়ন্ত্ৰিত প্ৰতিষ্ঠানসমূহক তেওঁলোকৰ সৈতে সম্পৰ্ক স্থাপন কৰাটোও নিষিদ্ধ কৰিছে.

ছেবিয়ে কি কয়

ছেবিয়ে স্পষ্ট কৰি দিছে:

কেৱল পঞ্জীভুক্ত মধ্যস্থতাকাৰীসকলে বিনিয়োগৰ পৰামৰ্শ আগবঢ়াব পাৰে.

ছেবিৰ নিয়ম অনুসৰি:

• পঞ্জীকৃত উপদেষ্টাসকলে কঠোৰ অৰ্হতা আৰু প্ৰমাণীকৰণ বিধি পূৰণ কৰিব লাগিব.

• তেওঁলোকে যিকোনো স্বাৰ্থৰ সংঘাত প্ৰকাশ কৰিব লাগিব.

• তেওঁলোকে ৰিটাৰ্ণৰ গেৰাণ্টি দিব নোৱাৰে.

• আপুনি ইয়াত এজন উপদেষ্টাৰ প্ৰমাণপত্ৰ প্ৰমাণিত কৰিব পাৰে:
  👉 ছেবি পঞ্জীভুক্ত তালিকা

পঞ্জীভুক্ত নোহোৱা প্ৰভাৱকসকলক অনুসৰণ কৰাৰ প্ৰকৃত বিপদাশংকা

• পাম্প-এণ্ড-ডাম্প আঁচনি: তেওঁলোকে সন্দেহজনক ষ্টকসমূহ প্ৰচাৰ কৰি মূল্য বৃদ্ধি কৰে, তাৰ পিছত লাভত বিক্ৰী কৰে—আৰু আপোনাৰ ক্ষতি হয়.

• লুকাই থকা প্ৰচাৰ: তেওঁলোকে প্ৰচাৰ কৰা সামগ্ৰী বা এপ্পসমূহ পেইড পাৰ্টনাৰশ্বিপ, অপ্ৰকাশিত হ'ব পাৰে.

• মূলধন লোকচান: দুৰ্বল পৰামৰ্শ = বেয়া নিৰ্ণয় = প্ৰকৃত বিত্তীয় ক্ষতি.

• কোনো দায়বদ্ধতা নাই: যদি তেওঁলোকৰ "পৰামৰ্শ" বিফল হয়, আপোনাক কোনোধৰণে আনুষ্ঠানিক সহায় নকৰে.

মনত ৰাখিব: ভাইৰেল হোৱাটো যোগ্যতা অৰ্জন কৰাৰ দৰে একে নহয়.

নিজকে কেনেদৰে সুৰক্ষিত কৰিব লাগে

1. লাইক বা অনুসৰণকাৰীৰ সংখ্যাৰ ওপৰতো সমল আগবঢ়োৱা সামাজিক মাধ্যমৰ পৰামৰ্শত অন্ধভাৱে বিশ্বাস নকৰিব.

2. বিত্তীয় পৰামৰ্শৰ ওপৰত বিশ্বাস কৰাৰ পূৰ্বে ব্যক্তিজন ছেবি-পঞ্জীয়নভুক্ত হয় নে নহয় সদায় পৰীক্ষা কৰক.

3. অপ্ৰমাণিত ইনফ্লুৱেঞ্চাৰসকলে প্ৰচাৰ কৰা প্লেটফৰ্ম বা এপ্পসমূহ এৰাই চলক—বিশেষকৈ যিসকলে দ্ৰুত লাভৰ প্রতিশ্ৰুতি দিয়ে.

4. কেতিয়াও ছ'চিয়েল প্লেটফৰ্মত ব্যক্তিগত বিত্তীয় তথ্য (যেনে পেন, উপাৰ্জন বা লক্ষ্য) ভাগ-বতৰা নকৰিব.

5. ছেবিলৈ বা cybercrime.gov.inৰ জৰিয়তে বিভ্ৰান্তিকৰ সমলৰ প্ৰতিবেদন দিয়ক.

চূড়ান্ত কথা: লাইক ক্ৰয় কৰিব পাৰি. বিশ্বাস ক্ৰয় কৰিব নোৱাৰি.

আপোনাৰ বিত্তীয় ভৱিষ্যত গৱেষণা আৰু জবাবদিহিতাৰ সৈতে সমৰ্থিত পৰামৰ্শৰ যোগ্য—ভাইৰেল আকর্ষণ দ্বাৰা নহয়.

ছেবি-পঞ্জীয়নপ্ৰাপ্ত উপদেষ্টা প্ৰশিক্ষিত, নিয়ন্ত্ৰিত, আৰু দায়িত্বশীল. সেইটো ছ’চিয়েল মিডিয়াৰ জনপ্ৰিয়তাই ঠাই দিব পৰা কথা নহয়.

গতিকে আপুনি অনুসৰণ, ইনভেষ্ট বা পদক্ষেপ গ্ৰহণ কৰাৰ পূৰ্বে-
ৰওক. পৰীক্ষা কৰক. সত্যাপন কৰক.
আৰু এজন আত্মনিৰ্ভৰ ইনভেষ্টৰ হওক.